ချစ်သူ့ကမ်းခြေ

ချစ်သူ့ကမ်းခြေ


မင်းရှိရာသောင်ကမ်းကို
တလိမ့်ချင်းလာနေရတဲ့
လှိုင်းကလေးပါ


ပင်လယ်ကဗွီးပင်တွေလို
မင်းရယ်သံလွင်လွင်နဲ့လှပနေခဲ့


မိုးသားတောအုပ်ပြာပြာထဲ
အမှတ်မဲ့ ရေးခြစ်ခဲ့မင်းနာမည် .....


မုန်တိုင်းမကျခင်
ပင်လယ် ရင်ခွင်မှာလူးလိမ့်
မင်းအရိပ်တစုံတရာကို
စင်ရော်တွေ အစာမျှော်သလို ငါမျှော်နေခဲ့တယ် .....။




မောင်ဖုန်းမြင့် (၀၂.၀၇.၂၀၀၉)

(ဓါတ်ပုံ - အင်တာနက်)

ဒိုင်ယာရီ

ဒိုင်ယာရီ


နှစ်ချို့စကားလုံးများ
သိုမှီး သိမ်းဆည်းထားခဲ့ရာ အရပ်

တခါ..တခါ
ငါ့အိမ်ယာ ကို ငါ ပြန်နေကျလမ်းလေး

ချစ်ခြင်းများနှင့်
နင့်နေအောင်လေးခဲ့သော
သေတ္တာ

အလွမ်း ၊ အိပ်မက် ၊ မျှော်လင့်ချက်များ
တကန့်စီ ပျိုးခဲ့ရာ ဥယျဉ်

အသံကြောင် ဂစ်တာတလက်နဲ့
အခုထိ အော်ဆိုလို့ မရသေးတဲ့ သီချင်းတွေ

နှစ်ပေါင်းများစွာ ကြာနေတဲ့
မျက်နှာစာမှာ ကျိုးပဲ့ ကြေပျက်
သွေးစိမ်းတွေထွက်နေတဲ့ ဒါဏ်ရာနှင့်
ခေါ်နေမိတဲ့အသံဟာ
ဘဝဂ်အထိ ညံနေရောမယ်


မောင်ဖုန်းမြင့်
(၂၈.၀၆.၀၉)

ပြောရမယ်ဆိုရင် ကဗျာတွေကနေစလိုက်ရအောင် ...

ပြောရမယ်ဆိုရင်
ကဗျာတွေကနေစလိုက်ရအောင် ...

တုပ်ကွေးမိနေတဲ့ကမ္ဘာထဲ
ကိုယ့်ဒူးခေါင်း ကိုယ်ပိုက်
ငုတ်တုတ်ငိုက်နေတုန်း
ကဗျာတွေက အုပ်ဖွဲ့ပျံသန်းကြတယ်

ကမ္ဘာက ဘယ်အထိဆက်သွားမှာလဲ
ကဗျာကတော့
ပေါ့ပေါ့ပါးပါး မိုးတိမ်တခုလို မျောလွင့်လို့

ကဗျာနဲ့မိုးလင်း
ကဗျာနဲ့မိုးချုပ်
ရှင်သန်ခြင်းတွေ ရှိုက်သွင်းထားလိုက်ရတဲ့
ကဗျာတွေရှိတယ်
တချို့ကဗျာတွေက
ဆံပင်ရှည်ရှည်နဲ့
မြို့ကြီး ၊ ပြကြီး ဆန်ဆန်
ကဖေးထဲမှာ အိနြေ္ဒရရထိုင်လို့
တချို့ကဗျာတွေက
အလွမ်းတွေဖူးနေအောင်ပန်ပြီး
ညနေခင်းမှာ
လမ်းသလားနေကြတယ်
တချို့ကဗျာတွေက
နာဇီအလံကို အင်္ကျီချုပ်ဝတ်
စစ်သူကြီးဆန်ဆန်..ရဲရင့်လို့
တချို့ ကဗျာတွေက
ဗြဟ္မာဘုံကဗြဟ္မာကြီးတွေလို
ရုပ်သက်သက် ၊နာမ်သက်သက်
တည်ရှိနေကြတယ်
တချို့ ကဗျာတွေက
ဝါဒပေါင်း တထောင်
အာဂုံဆောင်လို့
တချို့ကဗျာတွေက
သူတို့ကိုယ်သူတို့
တည်ခင်းရောင်းချကြပြန်တယ်
တချို့ကဗျာတွေက
ဟိုတယ်ထဲမှာ
တချို့ကဗျာတွေက
ရာသီစာ
လတ်လတ်ဆတ်ဆတ်တွေနှင့်
ကျွန်းတခုလုံးကိုပတ်လို့
တချို့ကဗျာတွေက
မချိမဆန့် အော်ညည်းနေပေမဲ့
သူ့အတွင်းသားက နှုးညံနေတယ်
တချို့ကဗျာတွေက
သူ့ကို စိတ်မဝင်စားတဲ့လူတွေကို
သူက ..ပြန်သနားတယ်
တချို့ကဗျာတွေက
လူသားရဲ့ အဆုံးနဲ့အစကို
သေချာ စောင့်ကြည့် လေ့လာနေတယ်
့်
တချို့ ကဗျာတွေက.....
...................
.............
.........
တချို့ကဗျာတွေက....


ပြောရမယ်ဆိုရင်
ကဗျာတွေကနေစလိုက်ရအောင်

ို့
မောင်ဖုန်းမြင့်

အရုဏ်ဦးကြယ်

မင်းဟာ
အတောက်ပဆုံးကြယ်ကလေး
အရုဏ်ဦးပြာပြာထဲမှာ


ငါတို့အထက်မှာ
ငါတို့ကြားမှာ
ဗီးနပ်စ်


ဂျုပီတာလို
ငါတို့အမြတ်တနိုးငေးနေရ ။


မောင်သစ်မင်း
(The Beatles တေးဂီတအဖွဲ့ဝင် တေးရေးဆရာ ၊ ကဗျာ
ဆရာ Paul Mc Cartney ရဲ့ Dawn Star ကိုပြန်ဆိုသည် )

( ရုပ်ရှင်တေးကဗျာ မဂ္ဂဇင်း အတွဲ ၂၃ ၊ အမှတ် ၂ ၊ ဖေဖေါ်ဝါရီ ၊ ၂၀၀၇ မှ ကူးယူဖော်ပြပါသည် ။
အကြောင်းကြောင်း ကြောင့် မူရင်း ပိုင်ရှင်ဆီမှ ခွင့်ပြုချက် တောင်းခံနိုင်ခြင်းမရှိခဲ့ပါ ။ )

ခါချခံလိုက်ရတဲ့ မိုးစက်ပွင့်တွေ

မင်းနှုတ်ခမ်း....နယ်စပ်မျဉ်းပေါ်က
ကျွံကျလာတဲ့ စကားလုံးတွေနဲ့
ငါ့ .. မြို့ရိုး သိမ်းပိုက်ခံလိုက်ရတယ် ..



ခရမ်းနုရောင်လေး ရေ ...
ငါ့ကို ဘောလုံးတလုံးလို
သိမ်းကျုံး ကန်ထုတ် လိုက်ပါ
ကြိုးပြတ်သွားတဲ့ စွန်တကောင်လို
လေနှင့် အတူ လွှင့်ထားလိုက်ပါ
ပြီးတော့ ...
အသုံးမလိုတော့တဲ့
လက်သည်းဆိုးဆေးခွံ တခုလို
သင့်တော်ရာမှ စွန့်ပစ်လိုက်ပါ.....



တကယ်တော့ ... ငါဟာ
အေးချမ်းစေချင်တဲ့ ..စေတနာနဲ့
မင်းပခုံးပေါ် ကျလာမိတဲ့ မိုးစက်ပွင့်လေးပါ ကွယ်
အနှောက်အယှက် ဖြစ်တယ်ဆိုရင်
အသာအယာ ခါချလိုက်ပါ
မင်းလက်ဖဝါးလေးနဲ့
ထိတွေ့ခွင့် ရဖို့
ငါကတော့ ခဏ ခဏ
ရွာချနေရ ဦးမှာပါ ..... ။





မောင်ဖုန်းမြင့်

ဇတ်ညွှန်း

ဘဝတွေ တန်းစီ ရေးချလိုက်ရုံနဲ့
ဇတ်ရှိန်က ဒီလောက်တက်လာမှာမဟုတ်ဘူး
ထုံးစံ အတိုင်းဆို
ဒီဘူတာမှာ ရပ်မယ်
ဒီဆိပ်ကမ်းမှာကပ်မယ်
နံရံပေါ်မှာ သေနတ်ချိတ်ထားတာပြရင်
တနေရာရာမှ ပစ်ကို ပစ်ပြရတော့မယ်
မီးဖျတ်ကနဲ ပျက်သွားမယ်
မီးပြန်လင်းလာရင်
အခန်းထဲမှာ တိတ်ဆိတ်ငြိမ်သက်နေမယ်
လူတွေက ပြီးပြီးပျောက်ပျောက်
ရူးချင်ယောင်ဆောင်ကြမယ်
ဘုရားသခင် မေ့လျှော့နေတဲ့
လမ်းမရှည်နဲ့ ညိုညစ်ညစ်ခြေထောက်တွေ
သူတို့ကိုထမ်းပိုးထားလိုက်တဲ့
ရာဘာနောက်မြီးပြတ် ဖိနပ်တွေ
အိမ်ယာထူထောင်ခွင့်လေးတောင်
မရရှာကြတဲ့ လေလွင့်ခြင်းတွေ
သံဆူးကြိုး အထပ်ထပ် ရစ်ပတ်ခံထားရတဲ့
ဝင်းပ ၊ သန့်စင်နေတဲ့ မျက်နှာတွေ
ပရီးမီးယားလိဂ်ထဲ ခေါင်းစိုက်ကျနေလို့
ဆွဲထုတ် ကယ်တင်ထားရတဲ့ မျှော်လင့်ခြင်းတွေ
စစ်အေးခေတ်လက်ကျန်
ခေါင်းညိမ့် ၊လျှာလွဲထားတဲ့ အယူအဆဟောင်းတွေ
ဘုရား တ, နေရတဲ့ အပြန်အလှန် စကားပြောသံတွေ
ဟိုဘက်ကမ်းမှာ ဘယ်လမ်းက သာမလဲ
ကိုယ့်ဘာသာကိုယ် မှန်းဆကြည့်လိုက်တော့
ဒီဇတ်ညွှန်းထဲက
မလိုတဲ့အပိုဒ်တွေကို ဖြုတ်လိုက်နိုင်ပါသည်
တကယ်တော့
ငါ့ဘဝလေး ချောက်ကမ်းပါးထဲကျဘို့ လက်၂ လုံးအလိုမှာ
ငါ့ကိုယ့် ငါက ကယ်တင်လိုက်ခြင်းသာဖြစ်တယ် .....။



မောင်ဖုန်းမြင့်
်

အမှတ်မထင်ခြစ်မိသော စိတ်ကောက်ကြောင်းများ

လေထုက လေးလံ ၊ သိပ်သည်း
နာရီတွေ အိတွဲကျတဲ့ နေ့တွေ နှင့်
မြို့ပြရဲ့ တောနက်ထဲ
အူသံတွေ တောထ
အန္ဓ တို့ရဲ့ မိုက်မဲမှုက
၃၁ ဘုံလုံး အပိုင်စားရတဲ့
မျက်နှာပေါက်မျိုးပ


ဒီတနွေ
"မေ" ဟာ အပူဆုံးပဲ
အနောက်တောင် မုတ်သုတ်လေတို့
ဒုန်းစိုင်း မဝင်ရောက်လာမှီ
ခင်းကျင်းပြထားတဲ့ အရေပြားတွေ
အပြေး ၊အလွှား ရုတ်ရ ဦးမယ်


ဗလာကျင်းနေတဲ့
စိတ်တွေကို လျှော်ဘို့
ဒီနှစ် မိုးဦး ကောင်းပါစေ
အိပ်တန်းပြန် တိမ်အုပ်တွေကို
ဖမ်းဆုတ် ကိုင်ထားလိုက်ပါ


ဒါဏ်ရာပြင်းလို့
ဥတု ၃ ပါးစလုံး
မီးထတောက် ပြနေရတာပါ
အမှန်တရား ရဲ့ မျက်နှာစာ တဖက်ကို
ကျားနာ တကောင်ရဲ့ လက်သည်းနဲ့
ကုတ်ဖဲ့ ၊ ဆွဲဖြဲ ပစ်ချင်နေမိတယ် ...။



မောင်ဖုန်းမြင့်

ငေးမိတဲ့ နှစ်တွေ

ရိုးပြတ်တွေ ပြည့်နေတဲ့ လယ်ကွင်း
အရိပ် က အရိပ်ကို ပြန်မျှော်နေ
ဆည်းဆာတွေ ရင့်မှည့် ကုန်ပြီလား
"ခုအချိန်
အမေ
ဘာတွေများ ချက်နေမှာပါလ်ိမ့်" .....




အရင် နှစ်က လမ်းဟောင်းတွေဘက်
ပြန်စောင်းကြည့်မိ
ခြေထောက်နဲ့ လမ်းကြောင်း
သဟဇာတ ဖြစ် .. မဖြစ်
စိတ်လိုလက်ရ ရှိ .. မရှိ
ဦးခေါင်းကို ဆတ်ကနဲ
ညိမ့် .. မညိမ့်
တီရှပ် အဖြူလေး တထည်
စွန်းထင်း ပေကျန်နေရစ်တယ် ...




မေးခွန်းတွေ မေးတတ်တဲ့
" လျှာ " ကို ဖြတ်မယ်
" ငါ " ကို ဖြတ်တယ်
မျက်ရည် သုတ်တတ်တဲ့
" လက် " တွေကို ဖြတ်မယ်
အတိတ် ကို လာလာ လှုပ်တတ်တဲ့
"ခံစားချက် ကြိုးလေးပါ ဖြတ်မှ ဖြစ်မယ် "

မောင်ဖုန်းမြင့်

ဆောင်းခိုငှက်ကလေး

ကျနော့်ဆောင်းခိုငှက်ကလေးပါ...
နွေဦးကို အပြေးအလွှားကြိုဖို့
ိ့ သူပျံသန်းထွက်ခွာသွားတယ် ။


လခြမ်းပဲ့လေးကိုပဲ ထိုင်ထိုင်ငေးနေမိ ...
အရိုးပြိုင်းပြိုင်းကျနေတဲ့
သစ်ကိုင်းအိုကြီးတွေတောင် ငိုတယ် ။


အမှတ်မရှိပါဘူး...
ဆောင်းခိုလာတာမှန်း သိရက်နဲ့
ဧည့်ဝတ်ကျေပွန်မိတာပါ ။

အမှတ်မရှိပါဘူး...
မြစ်ရေတိုးမယ်မှန်း သိလို့
တာဘောင် မဖို့မိတာပါ ။

အမှတ်မရှိပါဘူး...
မီးဟုန်းဟုန်းတောက်အောင်
မီးပွားလေးတစ အချခံလိုက်ရတာပါ ။


အမှတ်မရှိပါဘူး ...
ဖျတ်ဖျတ်လူးအောင်
အခူးအခြွေခံလိုက်တာပါ ။

အမှတ်မရှိပါဘူး ...
အိမ်မက်ဦးကို အရူးလုပ်ခံလိုက်ရလို့
ဖုံးမည်သံကြားတိုင်း
ခေါင်းထောင်ကြည့်မိတာပါ ။

စိတ်မရှိလိုက်ပါနဲ့ ...
ကာလသုံးပါအလွန်
အစွန်းရောက်စိတ်ကို မျိုဘို့
ကီးဘုတ်လေး တချောက်ချောက်ရိုက်
လူခြေတိတ်တုန်း အော်ဟစ်လိုက်မိတာပါ


မောင်ဖုန်းမြင့်