မြင့်မြတ်သန့်စင်တဲ့လေ

ရှုသွင်းလိုက်စမ်း..
အားရပါးရ ရှိုက်သွင်းလိုက်စမ်း..
အဲ့ဒီလို မြင့်မြတ်သန့်စင်တဲ့ “လေ” ကို
ဝမ်းဗိုက်ကြီး ဖောင်းကားထလာတဲ့ အထိ . . .ရှု
ပြီးရင် . . . မင်းပါးစုန့်မို့မို့ကြီးတွေ တုန်နေအောင်
ရယ်လိုက်ဦး
ပြီးမှ . . ဖြည်းဖြည်းချင်းပြန်မှုတ်ထုတ်
အဖိုးမဖြတ်နိုင်တဲ့ “လေ”
ဒီရေ . . . ဒီမြေမှာ
မညစ်မနွမ်းကျန်နေသေးတဲ့
တခုတည်းသော အဖိုးတန် “လေ”
ဒါဟာ . . .
မိုက်ရိုင်းထွားကျိုင်းလာတဲ့
မြို့ပြတောင် မဖျက်ဆီးနိုင်သေးတဲ့
အပျိုစင် “လေ”
ကာလ ။ ဒေသ ။ ပယောဂ ။
အတ္တ ။ မာန ။ အနုသယ ကိလေသာ
တစ်ခုမှ မပါစေနဲ့
အားရပါးရ . . . ရှု
အရောင်အမျိုးမျိုး ၊ ဝါဒအဖုံဖုံ
အရေပြားအရောင်တောင် မခွဲခြားနဲ့ . . . ရှု
ကွန်ဆားဗေးတစ် ။ လစ်ဘရယ် ဒီမိုကရက်တစ် ။
လေဘာပါတီဝင်ဖြစ်နေတာ မေ့ထားပြီး . . . ရှု
အမ်ဘီအေ ။ ဒီလစ် ။ အခဲဒမစ်
ဂျီအိုပေါ်လက်တစ် ။အမ်ဘရိုမန်တယ်လစ်
အဲ့ဒါတွေခေါက်ထားပြီး . . . ရှု
မင်း ဦးဏှောက်တွေ သန့်ရှင်းစင်ကြယ်သွားတဲ့အထိ . . . ရှု
မင်း ခန္ဓာကိုယ်တခုလုံး ပေါ့ပါးလန်းဆန်းသွားအောင် . . .ရှု
မင်း အသက်ဓါတ်နဲ့ အလေးအမြတ်ပြုပြီး . . .. ရှု
သန့်စင်တဲ့လေရဲ့ ကျသင့်တန်ဖိုးဟာ
မင်းရဲ့ ကျန်ရှိသက်တမ်း အနည်းငယ်မျှသာ
မသေခင်အားရပါးရ ဝအောင် ရှုလိုက်စမ်း . . . .။ ။

MPM

ရမ္မက်

ဆူဝေကျလာသော
စိတ်၏ အခိုးအငွေ့။
မီးလျှံမျက်ဝန်းများ ၏ အနားသတ် ။
မျက်နှာဖုံးစွပ် အကြမ်းဖက်သမားလို
လက်သည်းဝှက် ကြောင်ရဲ့ အချစ်မျိုး ။
သိစိတ်၏ အဖျားဒီဂရီ အနှုတ်ပြ ကိန်းခြေ ။
ဒြပ်မဲ့ ဟင်းလင်းပြင်၌
အထိန်းကွပ်မဲ့ လွင့်မျောခြင်း ။
ကိလေသာ ငါးမျှားချိတ် ဆွဲငင်ရာ
လူးလွန့် ပါသွားသော ငါးလို
စိတ်အလိုလိုက်
စိတ်မိုက်အကြိုက်ဆောင်သော
"ငါ" သည်သာ "ငါ" ဒါဏ်ရာ၏
အရှင်သခင် ဖြစ်၍
ပူပြင်းသော အဆုံးမရှိ ငရဲ ၌
မလွတ် မကျွတ် နိုင်သော သစ်ငုပ်တို ကဲ့သို့
ဖြစ်စေ . . . . ။ ။

MPM

၉၆ ပါးသော ကဗျာရောဂါ ဝေဒနာရှင်များအတွက်

ကဗျာနှာစေး ၊ ကဗျာနှာမွှန် ၊ ကဗျာ နှာခေါင်းပိတ်
ကဗျာနှာတင်း၊ကဗျာနှာကန် ၊ ကဗျာ နှာခေါင်းမီးတောက်နေသူများ
ထုံးနာနာကိုင်၍ နှာဝတေ့ရှုပါ

ကဗျာအသံဝင် ၊ ကဗျာသလိပ်ကပ်၊ ကဗျာချောင်းဆိုးသွေးပါ
ကဗျာပန်းနာရင်ကျပ်၊ ကဗျာအဆုတ်ပွ ၊ကဗျာချောင်းခြောက်ဆိုး
ကဗျာလည်ချောင်းကွဲ ၊ ကဗျာ မအီမသာဖြစ်၍ ကဗျာ မူးဝေအော့အန်သူများ
နွားနက်ကျင်ငယ်ရည်နဲ့ ဆတူရောသောက်ပါ

ကဗျာတကယ်လေထိုးရင် ဘယ်ဆွေမျိုးမှ မကယ်နိုင်ဘူး  . .

ကဗျာမကြေ၊ ကဗျာပြည့်၊ ကဗျာကယ် ၊ကဗျာရင်ဂေါင်းထိုး ၊
ကဗျာအချဉ်ပေါက်ခြင်း၊ကဗျာလေဆန်နာ ၊ ကဗျာပျို့/အန်၊ ကဗျာကြို့ထိုး ၊
ကဗျာအထက်လှန်အောက်ရှော ၊ကဗျာဝမ်းဖောဝမ်းယောင် ၊ ကဗျာ ဆီးချုပ်/ ဝမ်းချုပ် ၊
ကဗျာ အစားမှား၍ကဗျာ အဆံချောင်နေသူများ
ဆေး ဂွေးသီးခန့်ကို နံနက်ည ၃ကြိမ် ရေအေးနဲ့သောက်ပါ ။

ကဗျာ အရေပြားယားယံခြင်း ၊ကဗျာထုံကျဉ်၊ ကဗျာညောင်းကိုက် ၊
ကဗျာသူငယ်နာ မစင်ခြင်း ၊ ကဗျာဒေါင့်တန်းဆွဲ ၊ကဗျာအကြောသေ / အကြောကပ် ၊
ကဗျာ လေငန်းဖြတ်ခြင်း ၊ ကဗျာ တခြမ်းသေ ကဗျာရွဲ့စောင်း၍ ကဗျာအာရုံကြောနည်းသူများ အတွက် ရေနံချေး နှင့်ဆေး ဆတူရောလိမ်းပါ ။


ကဗျာအမျိုးသားများ
ကဗျာ ဘရင်ဂျီနာ ၊ကဗျာဒူလာကိုက်ခြင်း ၊ ကဗျာဆီးပူညောင်းကျ ၊ ကဗျာဂနိုကျ ၊ကဗျာသေ /ညိုး ၊ကဗျာမရွှင်လန်းခြင်းကဗျာတန်းမမှီခြင်း ၊ ကဗျာဆန္ဒမပြည့်ဝခြင်း ၊ ကဗျာအလွှတ်မြန်ခြင်း ၊ အိမ်ထောင်ရှင်များ ကဗျာ စွမ်းဆောင်ရည် လျော့နည်းခြင်းများ အတွက် တောကြက်ဥ ၊ ပျားရည် ဗိုင်ရာဂရာနှင့် တွဲဘက်သောက်ပါ

ကဗျာအမျိုးသမီးများ
ကဗျာထိန်/ငုပ်ခြင်း၊ ကဗျာမမှန်ခြင်း ၊ကဗျာ ရက်ကျော်ခြင်း ၊
ကဗျာ အဖြူဆင်းခြင်း ၊ကဗျာပိန်/ကဗျာခြောက် ၊ ကဗျာပန်းမပွင့်လန်းခြင်း ၊
ကဗျာအရိအချွဲဆင်းခြင်း ၊ ကဗျာရင်တုန်ပန်းတုန်ဖြစ်ခြင်း၊ ကဗျာရင်သားကင်ဆာ ၊
ကဗျာ သားအိမ်ကင်ဆာဖြစ်ခြင်းမှ ကာကွယ်လိုခြင်း ၊
ကဗျာ ကိုယ်ဝန်ဆောင်များ ၊ ကဗျာ သားဆက်ခြားလိုသူများအတွက်
အာမီရမ်နှင့်သောက်ပါ ။

အထူးအနေဖြင့်
ကဗျာလိပ်ဂေါင်းရောဂါ၊ ကဗျာ H1N1ရောဂါ၊ ကဗျာ ကာလသား/သမီးရောဂါ ၊ ကဗျာ အေအိုင်ဒီအက်စ်
ရောဂါသည်များ အတွက် အမြစ်ပြတ်၊ ဝေဒနာပျက်၊ ခန္ဓ္ဓာပျက်သည်အထိ စာချုပ်စာတန်းနှင့်
ကုသပေးနေပါသည် ။

MPM

အပြာရာင်ခွေးတစ်ကောင်၏မျက်လုံးများ

သူမက ကျွန်တော့်ကို ပထမဆုံးအကြိမ်ကြည့်ခြင်း

လို့ ကျွန်တော်ထင်တယ်

ချောကျိနေတဲ့ အကြည့်ကို ဆုပ်ကိုင်မိတော့

ကြည့်နေတဲ့သူဟာ ကျွန်တော်ပဲလို့

သဘောပေါက်လိုက်တယ်

သူမ၏မျက်ခွံများသည် အလင်းရောင်တောက်လျှက်

ရှိမြဲအရာကို သတိတရနဲ့

အပြာရောင်ခွေးတစ်ကောင်၏ မျက်လုံးများလို့

ကျွန်တော်ပြောလိုက်တယ်

သင်္ချာဆန်သော အလင်းရောင် အသွားအပြန် ခရီးအဆုံး

မီးကျီးခဲလို ပူပြင်းသော မျက်လုံးများဖြင့်

သက်ပြင်းရောင် အ၀ိုင်းအ၀န်းထဲမှ သူမ ထွက်ခွာသွားတယ်

မရမ်းရောင် သုတ်လိမ်းထားသော နှုတ်ခမ်းများ

မှန်ရှေ့မှာ ဝေ့၀ဲနေတယ်

`မင်းကို ငါမြင်ရတယ်´ . . .  `မင်းကို ငါမြင်ရတယ်´

မီးလျှံများသည် သူမ၏ ရှည်လျှားသော

ကြေးနီရောင် အသားအရေ ကို ၀ါးမျိုနေတယ်

ထိုနောက် . .

သူမသည်  . .

လက်သုတ်ပုဝါများ ၊ အရောင်တင်ထားသော စားပွဲများ

ဟိုတယ်များ ၊ ဘူတာရုံများ

အများပြည်သူနှင့် သက်ဆိုင်သော မှန်ပြတင်းများပေါ်

အပြာရောင်ခွေးတစ်ကောင်၏ မျက်လုံးများဆိုတာကို

ချရေးလိုက်တယ်

ကမ္ဘာပေါ်က မြို့ကြီး တစ်ချို့၏ နံရံ၌

စာသားတွေ စိမ့်ဝင်သွားတယ်

အိမ်အပြင်ဘက်က

အိမ်အကြောင်း  အိပ်မက် မက်နေတဲ့

မိန်းမ တစ်ယောက်ရဲ့ အိပ်မက်ဟာ

အိပ်ယာပေါ် တလူးလူး တလိမ့်လိမ့်နဲ့

အပြာရောင် ခွေးတစ်ကောင်၏ မျက်လုံးများ ဆိုတဲ့

စာသားကို ရွတ်နေတယ်

သူမက ၀မ်းနည်းကြေကွဲသောအပြုံး

အရာရာကို လက်မြှောက် အရှုံးပေးသော အပြုံးဖြင့် ပြုံးတော့

သူမ မျက်နှာဟာ နာကြည်းသော တိမ်တိုက်တစ်ခုလို

မည်းမှောင်လို့ . . . ။      ။

Ref: Garcia Marquez -Eyes of a blue dog

(Translated by Mya Than Tint)

MPM

မြွေတစ်ကောင်ရဲ့ နံနက်စာ

သန်စွမ်းပြီး တွန်လိမ်နေတဲ့
သူ့လက်မောင်းတွေနဲ့
ကျွန်မခါးကို တင်းတင်းရစ်ပတ်ထားတယ်
သူ့အကြည့် တစ်ချက်နဲ့ပဲ
ကျွန်မကို ညှို့ယူခဲ့တာလေ
ကျွန်မစိတ်ကို
ဟိုး   . . . .   အထက်ကို ပစ်တင်
ဟိုး   . . . .   အ၀ိစိကို ပစ်ချ 
အဲ့ဒီလို သူကစားနေခဲ့တာပေါ့
သူ့ကြောင့်ပဲ ကျွန်မ အရာရာကို မေ့သွားခဲ့တာ
ကြမ်းပြင်ပေါ်လူးလိမ့်နေတဲ့
သူ့ခန္ဓာကိုယ်ကို
ကျွန်မ တပ်မက်နေမိတယ်
ရွံရှာဖွယ်လို့ ရှင်တို့ထင်နေတဲ့
သူ့အရေပြားပြောင်ချော်ချော်ကို ကျွန်မစွဲလန်းနေတယ်
အခုဆို ...
( ရှင်တို့သိပ်ကြိုက်တဲ့ )
ကျွန်မ ဘော်ဒီတခုလုံးကို
သူရစ်ပတ် ဖုံးလွှမ်းထားလိုက်ပြီ
အရိုးအဆစ်တွေ အားလုံး
ကြေမွသွားအောင် ကြင်ကြင်နာနာနဲ့
ဖြည်းဖြည်းချင်း ဆွဲဆန့်လိုက်တယ်
ကျွန်မ ခေါင်းပေါ် သူ့ခံတွင်းထဲက
အရိအချွဲတွေ အန်ချလိုက်ပြီ
ဟောကြည့် .. ကျွန်မ ခြေသည်းလေးတွေက စ
တဖြည်းဖြည်း ၀ါးမျိုနေပြီ
`ကျွန်မ ပျော်လိုက်တာ ´

MPM

ဂလိုဘယ်ရဲ့ အမှောင်ဖက်ခြမ်းက ဇတ်ဝင်ခန်း

ကလဲရီယာ ( ပြည်နယ် လူဝင်မှု ကြီးကြပ်ရေး အရာရှိ )
-------------------------------------------------------------
"ဒီမှာ  တက်ဆီလီယာ
မင်းရဲ့ ကျောင်းအုပ်ဆရာကြီးရဲ့ သတင်းပို့ချက်က တဆင့်
မင်းကို သတိထားမိလာတာ
မင်းရဲ့ စာစီစာကုံးတွေထဲမှာ
9/11 လုပ်ရပ်ကို ပြုလုပ်တဲ့ လူတွေဟာ
မှန်ကန်တယ် / ထောက်ခံတယ် ဆိုတဲ့ သဘောမျိုး
ရေးထားပါလား " . . .  . .

တက်ဆီလီယာ
" ကျွန်မက ဒီနိုင်ငံမှာ လွတ်လပ်စွာ
ထုတ်ဖော်ပြောဆိုခွင့် ရှိတယ်လို့  ထင်ထားတာ " . . . .
-------------------------------------------- . . . . . . . . . ------------------

ရှောင် ( ကိုရီးယား နိုင်ငံ ဆိုးလ်မြို့ ဆင်ခြေဖုံးမှ ပြောင်းရွှေ့လာသူ)


"ကျွန်တော် ..ဒီလိုအ၀တ်အစားမျိုးတွေ
ဘာလို့ဝတ်နေရမှာလဲ"  .  . . .
"သတိထားစမ်းပါ မင်းဒီနိုင်ငံသား ဖြစ်ဖို့ ဒီတစ်ကြိမ်ပဲ လိုအပ်တော့တာလေ "
"ဘယ်လိုပဲ ဖြစ်ဖြစ်  သူတို့ အတွက် ကျွန်တော်ဟာ အာရှသားပဲ"
-------------------------------------------- . . . . . . . . . ------------------


ဟာမစ် 
"ဟိုမှာ နက်ဖြန်ဆို နိုင်ငံသား ဖြစ်တော့မယ့် ကျွန်တော့ အဖေ
သူက အခုချိန်မှာ "ရှား" တွေကို မုန်းတီး ရန်လိုနေတာ
ဒါပေမယ့် အီရန်မှာနေတုန်းက သူတို့နဲ့ စီးပွားဖက်တွေ
လုပ်ငန်းတွေ အသိမ်းခံလိုက်ရတော့မှ နယ်စပ်ကနေ
တာကီ(Turkey) ကိုဖြတ်ပြေး ပြီး ဒီရောက်လာတယ်" ။. . . . .
-------------------------------------------- . . . . . . . . . ------------------
မစ္စ ကယ်လီ ( အစိုးရှရှေ့နေ )

" ကျွန်မတို့က  ဆာရီဝတ်ထားတဲ့
အသက် ၁၅ နှစ်အရွယ် အမျိုးသမီး အကြောင်းပြောနေတာ
သူ့အိပ်ခန်း ကိုရှင် စစ်ကြည့်လိုက်ရင် ဘယ်လောက်ခြိုးခြံထားသလဲဆိုတာ တွေ့ရမယ်
သူ့ရဲ့ အင်တာနက် အသုံးပြုမှု မှတ်တမ်းတွေအရ ဂျီဟတ် တွေရဲ့ 
ရှေးဟောင်း တံဆိပ်တွေ စုဆောင်းထားတဲ့သူ
ဒါ  . . . အသေခံဗုံး ခွဲမှုကို ယုံကြည်တယ်ဆိုတာ ပြနေတာပဲ "  ။ . . . .
-------------------------------------------- . . . . . . . . . ------------------
မာရီယာ ဆန်းချက်စ်
( ယူအက်စ် မက္ကစီကို နယ်စပ် တွင် သေနတ် ပစ်ခံရ၍ သေဆုံးသွားသူ )

ကောင်းသော ညနေခင်းပါ မစ္စတာ ဆန်းချက်စ်
ကျွန်တော်က အထူးရဲ အရာရှိ မက်ဘော့ခ်ပါ
မာရီယာ များ ပြန်ရောက်လာ ပြီလားသိချင်လို့
-------------------------------------------- . . . . . . . . . ------------------
ဂယ်ဗင်ကော့စဖာ
( ဂျုးလူမျိုးယောင် ဟန်ဆောင်၍  သက်သေခံ လက်မှတ် လျှောက်ထားသူ )

မင်း ဗလီဆရာတော့ မဟုတ်ဘူး မို့လား

မဟုတ်ပါဘူး  ...
ဒါပေမယ့် ကျွန်တော် တင်းကျပ်တဲ့
ဂျုးဘာသာရေး သင်တန်းတွေ တက်ခဲ့ ရပါတယ်
စပျစ်ရည် မုန့်ချိုနဲ့ ဥပုဒ် ပြုနိုင်ပါတယ်

မင်း ဟေးဗရူးစာ ရလား
အဲ့ဒီဘာသာနဲ့ ၀တ်ပြုဆု တောင်းနိုင်ပါ့မလား  ..

ဟုတ်ကဲ့ ...

ဒါဆို မင်း ဒီလူကြီးမင်းရှေ့မှာ ၀တ်ပြုဆုတောင်းပြ

(လိမ်လည် ၀တ်ပြုသံများ )
...............................
.......................................
.........................................

ရက်ဘီး ( Beth Shalom ဘုရားကျောင်းမှ ဂျုးဘာသာရေးဆရာ)


ကြည်နှုး သာယာဖွယ်ရာ  ၀တ်ပြုသံပါပဲ ...
နောက်ဆို တနင်္ဂနွေ နေ့တိုင်း  ကျုပ်တို့ ဘုရားကျောင်းမှာ
လာဝတ်ပြုဆုတောင်းပါလို့ ဖိတ်ကြားပါရစေ  .. ။


MPM
.........

ရေအစုံ ၊ မီးအစုံ

ခင်ဗျားတို့ အတွက် ဒီနေရာမှာ ခင်းကျင်းထားခဲ့ပါတယ် . . .

ပျှော်ရွင်မှုဟာ ဘယ်လိုပုံစံနဲ့လာမလဲ
ဘီဒိုအင် အာရပ် ၀တ်စုံနဲ့လား
ဥရောပ တိုက်သားလို အကောင်းဆုံးဝတ်စုံနဲ့လား
အရှေ့တိုင်း ဆန်ဆန် ပိုးသား အဆင်ဆန်းတွေနဲ့လား
အရှေ့အလယ်ပိုင်း က အမျိုးသမီးတွေလို ခေါင်းမြီးခြုံ လုံနေမှာလား


ကန်သွင်းသမျှ ဂိုးတွေကို
တဒိုင်းဒိုင်း ကာကွယ်နေရ လောကဓံတရား

သိနားလည်မှု အစိုင်အခဲဟာ အရည်ပျော်

အမောပြေ ၊ အပန်းပြေ လမ်းကြုံရင်
ခြေ၀င်ဆေးနိုင်ပါတယ် ( နှလုံးသွေးများဖြင့်)

အထပ်မြင့်တိုက်ခန်းမှာ နေတိုင်း
အဆင့်မြင့် တွေးခေါ်သူတွေ မဟုတ်ခဲ့တော့
ရှေ့တစ်လှမ်းတိုးဖို့
နောက်ဖက် အကြည့်ပေါင်း သန်းပေါင်းများစွာ ကြည့်

လုံခြုံခဲ့ပြီလား ၊ ခြုံငုံမိပြီလား
လုံခြုံအောင် မျက်လုံးတွေကို စောင့်ကြည့်ထား


ယာယီ . . .
အပစ်အခတ် ရပ်စဲရေး
အလံဖြူတလက်ထောင်ထားလိုက်တယ်
ယာယီ  . . .

အိုဇုန်းလွှာ အပေါက်အပြဲ
ငါ . . . ဖောက်ခွဲခဲ့တာ . . . မဟုတ်ဘူး
အာဖဂန်နစ္စတန် စစ်ပွဲ
ငါ့ကြောင့် . . . နွှဲနေရတာ . .  မဟုတ်ဘူး
ဆင်းရဲမွဲတေမှုနဲ့ အငတ်ပြသနာ
ငါ . . . တီထွင် ဆန်းသစ်ထားတာ မဟုတ်ဘူး...
အစဉ်အလာ ၊ ဘောင်ဝင် ၊ အလေးအမြတ်ပြု
နိုင်ငံတော် သီချင်း သံပြိုင်သီဆို

သစ်ပင် စိုက်ကြ . . . သစ်ပင်စိုက်ကြ
ဒီအပြင် . .
အတွေးအခေါ်တွေကိုပါ သစ်ပင် .စိုက်သလို စိုက်ကြ

ဟုတ်ကဲ့ . . .
လူကြီးမင်းများအတွက်
ရေအစုံ၊ မီးအစုံ ၊ ကြေကွဲဖွယ်ရာ ပျော်ရွှင်မှု့ရောင်စုံ
တံခါးဝမှာ တပ်ဆင်ချိတ်ဆွဲထားပါတယ်
အခန်းထဲမ၀င်ခင် အန္တရာယ် အချက်ပေးခလုပ်ကို
တစ်ချက်နှိပ်လိုက်ပါ
ဒါပါပဲ . . . . ။     ။


MPM

ဓနသီဟ

ချမ်းသာခြင်းဟာ ခြင်္သေ့လို ဟိန်းဟောက်တယ် ။ ငွေရှာခြင်း အတတ်ပညာဟာ ကျန်းမာ သန်စွမ်းတဲ့ လိုင်းယွန်း တစ်ကောင်နဲ့ နပန်းလုံးနေရသလိုပဲ ။ ပိုက်ဆံ ကလွဲပြီး ဘာမှ မရှိတာနဲ့ အဘိဓမ္မာရှိပြီး ခြူးတစ်ပြားမှ မရှိတာ ဟာ ထူးမခြားနား ပတ်ပျိုးနဲ့ မိုးမျှော်နေရသလို  + = -  နဲ့ အပေါင်း ညီမျှခြင်း အနှုတ် ၊အနှုတ် ညီမျှခြင်း အရှုပ် အထုပ်ရဲ့ Plus Equal Minus ပဲ။ ငါ့ဘဝရဲ့ အဓိပတိဟာ ၂၀၀ ကျပ်တန် လိုင်းကား ။ ငါ့အနုပညာရဲ့ ပါရမီဟာ ၂၀၀ ကျပ်တန် လိုင်းကား ။ ငါတို့မျှော်နေရတဲ့ ရွှေဧည့်သည် ငွေဧည့်သည် ဆိုတာကလဲ ၂၀၀ ကျပ်တန် လိုင်းကားပဲ ။ ယိုယွင်းလာနေတဲ့ စိတ်ကျန်းမာရေး အရ အီးစီဂျီမလို ၊ စီတီ စကင်ဖတ်စရာမလို ဂိတ်ဆုံးမယ့် မှတ်တိုင်ဟာ ယခင် တံတားလေး ယခု ရွာသာကြီး ။ ပလိုင်းပေါက်နဲ့ ဖားကောက်တယ် ပြောရအောင်ကလဲ ဖားနဲ့တူတာဆိုလို့ မျက်လုံးပြူးပြူး ပုရစ်တောင် မတွေ့ဖူးဘူး ။
 အောင်မြင်မှု ၊ချမ်းသာသုခနဲ့ ဓနဥစ္စာဟာ ငါတို့နဲ့ အလှမ်းကွာတဲ့ တက်ကျမ်းကြော်ငြာ ဖြစ်ပြီး ။ အေဗရာမိုဗစ် ဟာ ဘောလုံးအသင်း ထောင်ချင်တဲ့ ရောဂါရနေသလို ငါတို့ဟာလည်း အချိန်တန်ရင် ဂျက်ဒန်နီယယ် လို ဂျေအန်ဘီ လို စကော့ ဝီစကီနဲ့မှ သွေးနွေးချင်ခဲ့ပြီး ပဲရစီဟီလ်တန်နဲ့ အိပ်မက်ထဲမှာ ပွားမယ် လေဒီဂါးဂါး နား ထောင်ပြီး ငြိမ့်ချင်နေတဲ့ ရောဂါသည်တွေ ဖြစ်တယ် ။ အခုလောလောဆယ် မှာ အရင်းကျမ်းဖတ်တယ် ။ ကိုယ်ထက်သာရင် ဓနရှင် ဘူဇွာ ဖောက်ပြန်ရေးသမားလို့ စွတ်စွဲမယ် ။ ပစ္စည်းမဲ့ချင်သလိုလို တော်လှန်ချင် သလိုလို နဲ့ အာခေါင်ခြောက်လာရင် ဓနသီဟ တံဆိပ် ရေသန့်ဗူးဖောက်သောက်မယ် ။ ဓနသီဟ တံဆိပ် မြေပဲလှော်ဝါးမယ် ။ ဓနသီဟ တံဆိပ် အဝေးပြေးကား ကိုစီးမယ် ။

အခါကြီး ရက်ကြီး သင်္ကန်းစည်းဖြစ်ရင်တောင်မှ ဓနသီဟ သင်္ကန်းတိုက်က သင်္ကန်းနဲ့မှ ဖြစ်မယ် ။

အိုဘယ့် . . .  ဘယ့် . .. . အိုဘယ့်   ဓနသီဟ . . . . . .. ။

MPM

5.June.2010
နံနက် 3:30

နိစ္စဓူဝ ရက်စွဲများ နဲ့ ရှင်သန်ခြင်းကို ငါ ငြင်းဆိုတယ် ။

အသက်ကလေးကို လက်ကြားက
ယိုစိမ့် ကျမလာအောင် ကာထားပြီးပါပြီ

ချောင်းမြောင်းလုပ်ကြံသူ စနိုက်ပါသမားတွေဟာ
နေရောင်ဝါဝါ မထွက်လာခင်စပ်ကြား
စီးကရက်များစွာ လောင်ကျွမ်းရှိုက်ဖွာ

အဲ့ဒီလို စီဒီ လည်ပတ်နေပုံက . . .

နားမခံနိုင်လောက်အောင် မသင်္ကာစရာပဲ

ဘတ်စ်ကားအိုကြီးလို  . .
မနိုင်ဝန်ဟာ  တရွေ့ရွေ့တွားသွားရင်း
လမ်းကြို လမ်းကြားများကြား

ကလေးများ ပြေးလွှား ကစားကြပုံဟာ
ထူးထွေဆန်းပြား 

သွေးဆုံးနေသော အိပ်ကပ်များ အထက်မှ
ခြောက်ကပ်မွဲပြာ မျက်နှာသေများစွာ၏
ကြောက်စရာ    ရယ်ရယ်မောမော
ရယ်ရယ်  မောမော
                 ရယ်    ရယ်   မော  မော  နှင့်
နိုင်ငံသား ဖြစ်ကြောင်း သက်သေခံ
အနီရောင် ကဒ်ပြားဖြင့်

တစ်ပွဲစားမလား  နှစ်ပွဲစားမလား
ပွဲပေါင်းများစွာ ( က ) စားခဲ့သူတွေလို

အသွေးအသားများနှင့် ရှင်သန်ခြင်းအား
ရောင်းဝယ် ဖောက်ကားခဲ့ကြပြီး

ဘဝကူးကောင်းရဘို့ထက်
ဒီနေ့ ဒီရက် ဒီနာရီများ အဆင်ပြေချောမွေ့စွာ
ကူးပြောင်းဖို့ ဆုတောင်းများဟာ
ရေနစ်မြို့ထဲ ရေတိမ်နစ်ရင်း

ရှင်ခြင်း အမှတ်တံဆိပ်ဟာ
လူကြိုက်များပြီး တန်ဘိုးနည်း တဲ့ ကုန်ပစ္စည်း တစ်ခု ဖြစ်တယ်  ။

MPM