နောက်ဆုံးတော့ ဒါဏ်ရာတွေပဲရှိတယ် "လူစီ"

"လူစီ" . . .

မင်း နောက်မှာ လူတွေတန်းစီနေတုန်းပဲလား  . . . "လူစီ"

မင်းရဲ့ထုတ်ကုန်တွေကြောင့် အထုပ်တွေလဲ ကုန်ခဲ့ပါပြီ . . . "လူစီ"


အခြေခံ စစ်ရေးပြ သင်တန်းမှာလို  မင်းရှေ့မှာ သတိစွဲပြီး
တန်းစီပြရဦးမှာလား . . .  "လူစီ"

ဆိုရှုယ် နက်ဝေါ့ကင်း ဆိုက်တွေ မှာ ဖန်ကလပ်ထောင်ပြီး
လူစည်ကားချင်နေတာလား  . . . "လူစီ"

မင်းရဲ့ အရယ် ၊ အပြုံးတွေဟာ  လိင်ဆွဲဆောင်မှု ရှိတယ်  . . ."လူစီ"


လိင်ကြောင့် ဖြစ်တဲ့ ရောဂါတွေလဲ တနေ့တခြား ဆန်းသစ်လာတယ်  . .  "လူစီ"

မင်းရဲ့ အိပ်ယာခင်းတွေကို  မတွန့်ကြေအောင် ထိန်းသိမ်း ပါဦး  . . ."လူစီ"

 မင်းအခန်း က ထပြန်လာတဲ့ အမျိုးသား တယောက်ရဲ့ နံနက်ခင်း ကို
ဂွဒ်မောနင်းလို့ နှုတ်ဆက်ပါတယ်  . . . "လူစီ"

ပေါ်ပီပန်းတွေ ပွင့်ချိန်မှာ  ကုတ်ကင်း ကို သတိရ တဲ့
ကိုလံဘီယာသား တယောက်လို ငါ .  . မင်းကို သတိရနေပါတယ် . . ."လူစီ"

အခု . . . ငါတော်တော်ဖျားနေပါပြီ  . . . "လူစီ"

ငါ . . . အန်ချလိုက်တိုင်း  . . မင်းနာမည်တွေပဲ ထွက်ကျလာတယ်   . . . "လူစီ"

ငါ . . . အသုဘ ရှုရန်လာတဲ့အခါ အနက်ရောင် ဝမ်းဆက်နဲ့
နှင်းပန်းတပွင့် ကို ရင်ဘတ်မှာ ထိုးခဲ့ပါ  . . . "လူစီ"

 ဂွဒ်ဘိုင် မိုင်ရို့စ် လို့ နှုတ်ဆက်လိုက်ပါတယ်  . . . "လူစီ"

( အဲ့ဒီညက ငါ့သူငယ်ချင်း  ငါ့အခန်းကို မလာခဲ့ဘူး  . . "လူစီ" )


MPM

အချစ်ကြောင့် ဆေးပြယ်သွားသော ပန်းချီကား

ကင်းဗတ်စဖြူဖြူပေါ်မှာ

တိမ်သားရောင်စုံပြာပြာနဲ့

အလှဆုံးဆေးရောင်ခြယ်နိုင်ဘို့

ကျနော် ကြိုးစားခဲ့ပါတယ်



အဆင်မပြေမှု လှိုင်းတံပိုးတွေထန်တော့

ကျနော့် စုတ်ချက်တွေဟာ

ကြမ်းချင်သလိုကြမ်းခဲ့

ရိုင်းချင်သလိုရိုင်းခဲ့


တကယ်တော့ ကျနော်ဟာ

အရိုးသားဆုံး တည်ဆောက်ချင်သူပါ

လူသူလေးပါးထင်သလို

ဘ၀ ကို ရောင်းဝယ်ဖောက်ကားနေတဲ့

ကုန်သည်တဦး မဟုတ်ပါဘူး


ကဲအခုတော့ . . .

ကျနော့်ပန်းချီကားလေးရဲ့

ရေးသူ အမည်မှာ

ဟစ်တလာ လို့

နာကြည်းစွာ ကမ္ဗည်းထိုးလိုက်ပါတယ် 



MPM

သင်းကွဲ

အပျော် မရှာချင်တော့ဘူး
တကိုယ်တော် ငြိမ်ဆိတ်တဲ့ စိတ်နဲ့
တောရကျောင်းလေး  အရိပ်နား
တိတ်တိတ်လေး တိုးဝင်
ဝိဉာဉ် ကို ခြေဖျားထောက် ၊ လမ်းလျှောက်လာတဲ့
မြေကြီးလို ကျင့်ချင်သူ
အလေအလွင့် ကောင်းကင်ဟာ
တံတွေးခွက်များ အလည်ခေါင်မှ
ရှင်ပြန် ထမြောက်လာခဲ့တယ်  . . .။


MPM

အနမ်းတပွင့်ရဲ့ ရွေ့လျားဖြစ်စဉ် မှော်ဝင်ညများ

ကောင်မကြီးရေ . . .

(အသဲကွဲနေတဲ့ ကဗျာဆရာ တွေသုံးနေကြ ကောင်မလေးလို့ မသုံးချင်လို့ )

ငါ့ ဘဝမှာ ဘယ်လောက် လှိုင်းထန် နေရဦးမှာလဲ ဟင် . . .
မင်းနှုတ်ခမ်းကို .. ငါ . စနမ်းတုန်းက တခါ ၊ ရှင့်ကို တနေ့နေ့ ကျမ ထားခဲ့ရဦးမှာပဲလို့ မင်းပြောလိုက်တုန်းက တခါ ၊ ရှင့်လောက် အသုံးမကျတဲ့ လူ ဒီကမ္ဘာမှာ မရှိဘူးလို့ မင်းနောက်ဆုံးပြောတုန်းက တခါ . . . ငါ့ ပင်လယ်မှာ . . . မင်းစကားလုံးတွေ နဲ့ဘောင်ဘင်ခတ်  ဆူနာမီ ဖြစ်ခဲ့တဲ့ အရပ်ဟာ  ငါ့ရင်ခွင်ပါလို့ ပြောရင်  မင်းရယ်သွမ်း သွေး ပြန်ဦးမယ် မဟုတ်လား  . . . ။



နှုတ်ခမ်းနဲ့ ပက်သက်လာရင်တော့ ငါ့မှာ ပြောစရာအများကြီးရှိတယ် ကောင်မကြီးရေ . . .
ကမ္ဘာကျော် ဂျိုလီနှုတ်ခမ်းတွေနဲ့ မင်းနှုတ်ခမ်းတွေကို စီးချင်းထိုးခိုင်းရရင်  ငါသနားတယ်  (ဂျို့လီကို) သူ့နှုတ် ခမ်းတွေ အတုန်းအရုန်းဖြစ်ကုန်မှာ မြင်ယောင်လို့ . . . မင်းက ငါ့ရဲ့ အသဲကွဲ နှုတ်ခမ်း အုံနာကြီးပေါ့ကွာ . . . ငါက မင်းနှုတ်ခမ်းပေါ်မှာ နေ့စားမောင်းနေရသူ  . ..( အုံနာကြေး မပြည့်ရင်  မင်းက တခြားတယောက် အစား ထိုးဦးမှာ လေ )   . . . ။




ငါက  ဘာလဲဆိုတော့ကာ နယ်ကျွံစွဲလန်းမိသူ  . . . င့ါ . .အစာအိမ်အတွက် အန္တရယ်ပေးမယ့် ဆေးလိပ် မီးခိုး တွေကို တရိုက်မက်မက် ရှိုက်သွင်း နေသလို  . . . မင်းကို ငါ့ဘဝ ထဲ ရှိုက်သွင်းခဲ့...  ကဲ . .  အခုတော့ . . ငါ့ကင်ဆာ ဟာ  မင်းမုန်းတယ်လို့ပြောတဲ့  ငါ့အတ္တပဲ . . ဒီကြားထဲ  ဘီယာဆိုင်မှာ ( မင်းမရှိ တာ နဲ့ ကော်ဖီဆိုင် မထိုင်တာတောင်ကြာပြီ )နားထောင်နေရတဲ့ သောက်ရူး အဆိုတော် ဆိုနေတဲ့ သီချင်းက  တနေကုန် ထိုင်ပြီး တစိမ့်စိမ့် ကြည့်  လာလုပ်နေသေးတယ်  . . . ငါက မင်းကို ကမ္ဘာကုန်ထိုင်ပြီး တစိမ့်စိမ့် ကြည့်ချင်နေတာ ကို သူမသိဘူး . . .။




မင်းဖဲထုတ်ကို မင်းချိုးချလိုက်တော့ ငါက အောက်ကိုးနဲ့ လှမ်းရှိုးလိုက်မိသူ (ဟောက်စားပေါ့ကွာ ) မင်းကလဲ  စပိတ်တစ်နဲ့ သိပ်ချစ်တယ်လို့  ဟန်ဆောင်ပြခဲ့သေးတာပဲမဟုတ်လား  . ... ဝိုင်းထဲမှာတော့  မင်းသာရှုံးသွား ရင် ဘာပေါင်မလဲလို့ စောင့်နေတဲ့ ကောင်တွေကလဲ အများသား ( အဲ့ကောင်တွေက အသေသား ၊ အရှင်သား အကုန်စားတဲ့ အမျိုးကောင်းသား ဝံပုလွေကြီးတွေလေ )




ငါ့ရဲ့ ဟောင်းနွမ်းနေတဲ့ လမ်းမတွေအပေါ်  မင်းဖြတ်မမောင်းတော့တဲ့  အချိန်ထဲက မင်းဆီက တရားမဝင် အခွန်အခ အနမ်းတွေ ငါမရတော့ဘူးပေါ့ ..  ကမ္ဘာလုံးဆိုင်ရာစီးပွားပျက်သလို   ငါ့ဆီမှာလဲ နှလုံးသား ပျက်တာပဲ ။



အမဲရိကရဲ့  ပထမဆုံး လူမည်းသမ္မတ က  "Change" လို့ ကြွေးကြော်တော့  ငါက  အပြောင်းအလဲကို မလိုချင် တဲ့ကောင် . . . ဒါပေမဲ့   . . ဘာမှ မရှိတာထက်စာရင်  မင်းရဲ့ချည်သား ဗြောင်ထမိန်လေးပေါ်မှာ ကြယ်ပွင်လေး တွေ ကိုတော့ ရှိနေစေချင်လိုက်တာ . . . မင်းသာ ငါ့ဆီက  ထွက်မပြေးခဲ့ရင်  မင်းနှလုံးသား အရှေ့ဖျားမှာ ငါ ဟာ ကူဗလိုင်ခန့် ဖြစ်နေလောက်ပြီ   ..  မင်း အတွေးထဲက နောက်တယောက် ဆိုတဲ့  ကောင်ကို လျှပ်စစ် ကုလားထိုင်ပေါ်ကို ငါ ပို့လိုက်တယ်  ( တာဝန်သိ အချစ်သား ပြည်သူတယောက် အနေနဲ့ပါ ) . . ငါ့နိုင်ငံတော် ငါ့နိုင်ငံသား  ငါ့အချစ်များစွာအတွက် ကာကွယ် စောင့်ရှောက်လိုက်ရတာပါကွာ . . .။




အလင်းဝတ်ရုံပေါ်မှာ . . . နှင်းဝတ်စုံချွတ်ချလိုက်ရတဲ့ . . ."ည"  . .ငါ့မျက်လွှာကိုတောင်  ငါမပင့်တင်နိုင်တော့တဲ့ . . . "ည " ... အမျိုးကောင်းသား ဝံပုလွေတွေ  အုပ်စုလိုက်ကခုန်နေတဲ့  . . . "ည ". .  မင်း . . နှုတ်ခမ်းဖျားတွေ  .. ဆတ်ဆတ်တုန်နေတဲ့ . . ."ည  ". . .   ငါ့ မျက်နှာကို ပက်ပက် စက်စက် တံတွေးနဲ့ ထွေးခံလိုက် ရတဲ့ "ည" . . . လမင်းတောင်   အပေါင်ဆိုင် ပြုတင်းမှာ မေးတင် ငေးနေရတဲ့ . . .  "ည" . . အနောက်တိုင်းသား သိပ္ပံပညာရှင် တွေ က စက်ရုပ်ချစ်သူလေး  ရိုစီကို တီထွင်လိုက်ပါပြီ လို့ ကြော်ငြာ ဝင်နေတဲ့ . . ."ည " . .  မန်ချက်စတာ ဘော လုံးအသင်း  ပင်နယ်တီ အသွင်းခံလိုက်ရတဲ့ "ည" . . .



ကောင်မကြီးရေ  . . .

အဲ့ဒီလို  ညပေါင်းများစွာကို  ညစ်ညမ်းစွာ ဆဲရေးတိုင်းထွာလိုက်ပြီးနောက်
မင်း ကို သတိရနေလိုက်ပုံများ   . . ။


MPM

မင်းမုန်းတယ်ပြောတဲ့နေ့က ငါ့လက်ဖျံရိုးမှာ ဆေးမင်ကြောင်အသစ်တိုးတယ်

ငါဟာ . . .မင်းခြေဖမိုးအောက်မှာပဲ
အစွယ်ကျိုးချင်တဲ့မြွေ
အသံဝင်သွားရတဲ့ ခြသေ့င်္
မင်းမျက်စောင်း ဖြောင့်လက်သီးတချက်နဲ့
ကြမ်းပြင်မှာ ဗိုင်းကနဲလဲရတဲ့ကောင်
မင်းကိုလွမ်းတဲ့အလွမ်းတွေကို
ချိန်တွယ်ပြစရာကိရိယာ ဒီမှာမရှိသေးဘူး
မင်းကိုချစ်တဲ့ စိတ်နဲ့
ကောင်းကင်ဘုံနဲ့မြေကမ္ဘာကို တညတာနဲ့ ငါဖန်ဆင်းတယ်
ငါ့ဥယျာဉ် ကို မင်းက အပိုင်စားရသူ
ငါ့ နိုင်ငံတော်မှာ သက်ဦးဆံပိုင်
ငါ့ဒေတာဘေ့စ် ပရိုဖိုင်းမှာ ဖျက်လို့မရတဲ့ ဗိုင်းရပ်စ်
ငါ့နံနက်ခင်းတိုင်းမှာ ဖြာနေတဲ့ နေရောင်ခြည်ဟာ .မင်း
ငါ့သီချင်းတိုင်းဟာ မင်းနာမည်
ငါ့အလံတော်ဟာ မင်းကြောင့် တလူလူလွင့်လို့

မင်းမုန်းတယ်ပြောတဲ့နေ့က
ငါ့လက်ဖျံရိုးမှာ  မင်းနာမည်ကို ဆေးမင်ကြောင်ထိုးတယ် . .  . ။


ဖုန်းမြင့်

စာပျံများ

ဥတုသပ္ပါယမဖြစ်လို့
နှာစေးနေရတဲ့ ယုန်သူငယ်လေးပါကွာ...

ဒီအကြောင်းနဲ့ပက်သက်ရင်
စောင်းမြောင်းပြောစရာအကြောင်းမရှိပေဘူး ။

တပေါင်းတန်ခူးမှာ မြောင်းတူးပြီးစိုက်တဲ့
ပြောင်းဖူးမိုက်ကလေးတွေရေ

ရေမရှိတဲ့ချောင်းကိုတောင် လိုက်လိုက်ရှာနေရတာမောတယ် (မင်းတို့အတွက်)

နှုးညံ့ခဲ့မှုဆိုတာကလဲ ရွှေဖရုံသီးတလုံးရဲ့အတွင်းသားလိုပါပဲ
ထက်ခြမ်းခွဲလိုက်မှ ဝင်းကနဲတက်လာတာမျိုးပဲမဟုတ်လား

မင်းက ရုတ်တရက် ထထပျံနေတော့
ငါကလဲအလန့်တကြား စာတွေပျံသလိုပျံနေရ

အချစ်ကို အစိမ်းသရဲလိုမွေးမိတဲ့ ဒုက္ခက
ငါ့ဂုတ်ကို ခွခွစီးနေတာပေါ့

နတ်သမီး ထောင်ချောက်မပြောနဲ့
ကြွက်ထောင်ချောက်ထောင်တာတောင် အဖြစ်မရှိခဲ့တဲ့ကောင်ပါ

အရပ်လေးမျက်နှာ သိဘို့အရေး နေ,လာရာ အတင်းမျက်နှာ မူနေရတာမျိုးပေါ့

အရိပ်၃ပါးနားမလည်တာလဲ မဆန်းပါဘူး
ငါ့အရိပ်တောင် ငါကျပျောက်နေတာကြာပြီ

ကမ္ဘာကြီးလဲ ကမ္ဘာကြီးအလျှောက်
မင်းကလဲ မင်းအလျှောက်၊ ငါကလဲ ငါအလျှောက်
လမ်းတွေကတော့ သူ့ဘာသာသူပေါက်နေကြတာပါပဲ

ခြေထောက်တွေ လက်တွေကလဲ ဝဲပေါက်နေတဲ့ အမျိုးမို့
သူခိုးလို့တော့ မစွပ်စွဲလိုက်ပါနဲ့

ငါ့ရဲ့မောင်းနှင်မှုစွပ်ဖားလှည်းကလေးဆိုတာကလဲ
အရှိန်မကုန်ခင်လည်နေတဲ့ ဂျင်ကလေးတလုံးသာသာပါ
ရှေ့ကဆွဲပြေးနေတဲ့မောဟ က အထူအပါးနားလည်တဲ့အချိန်မှ
ရပ်လိမ့်မယ်

မနက်ဖြန် မနက်ကိုးနာရီထိုးရင်
ရွာရိုးကိုးပေါက် ရောက်နိုင်သလောက်လျှောက်ပြီးမှ
ငါ့အိမ်ကို ငါပျံမှာ ။


(ငါ့ထံမှ မင်းဆီသို့ ပျံသန်းသောစာများ )


ဖုန်းမြင့်

ကမ္ဘာကျော်ချင်လို့ ကဗျာကရာကျော်တယ် ၊ခွတယ် ။

ကမ္ဘာကြီးကိုကျော်ဘို့

ပရောက်ဇီ 212 နဲ့စတယ်

မေးလ်ပို့တယ်

မေးလ်ပြန်တယ်

အအေးပတ်တော့ မေးပါခိုင်တယ်

ချက်တင် မှာပွားတယ် / ဖျားမယ်

အခန့်မသင့်ရင် နားပါကားမယ်

အစွန်းရောက်တယ်

လိင်သွေးကြွတယ်

ဗုံးကြဲတယ်

အမုန်းဆွဲတယ် (ဘာဖြစ်ဖြစ်ပါ)

ထိချင်တာလား ၊ ငြိချင်တာလား

ဖိုက်တာတော့ မဟုတ်ဘူး အပျင်းပြေ လူသတ်တယ် (ဂိမ်းထဲမှာ)

ခေတ်ရှေ့ပြေးတယ်

ဗေဒင်တွက်တတ်တယ်

တခုခုထူးခြားရင်

အတိတ်ကောက်ပြီး ၂ လုံးထီထိုးတယ်

ငွေမခင်တတ်ဘူး

လူကိုခင်တယ် (လူကိုခင်မှအကုန်ပါတာ)

ကိုယ့်စိတ်ပျော်ရွှင်ဘို့

မိသားစု အညိုအငြင်ခံတယ်

ချစ်တတ်တယ်

မလွမ်းရဲဘူး

ကဗျာဆရာတွေအပေါ်မှာ ယောက်ကျားကြောက်ရတဲ့ မိန်းမလို

ရိုကျိုးတယ် . .

လန်းတယ် ၊ ဂွမ်းတယ် ၊ ဆန်းတယ်

စိတ်ထက်တယ် ၊ မြွေပွေးလို အဆိပ်ပြင်းတယ်

ငါ့နာမည် ဖုန်းမြင့်

ဆက်သွယ်ချင်ရင် Port 443 ဒါပဲ   . . . ။

ဖုန်းမြင့် 


အဝေးရောက်ပင်လယ်မှ ကူးယူဖော်ပြသည်

အခု ဘယ်နှစ်နာရီထိုးပြီလဲ ရန်ကုန်

အခု . . . ဘယ်နှစ်နာရီထိုးပြီလဲ

ကြယ်တွေကိုမျှားခြင်းမှာ သင်ပျော်ရွှင်နေပြီလား

ဂိုးလ်ဒင်းဂိတ်တံတားကြီးကို ခဏထားခဲ့လိုက်ပါ

ဘုရင့်နောင်တံတားနားမှာတော့ မျက်နှာတွေသေဆုံးကြတယ်

ကြည့်မြင်တိုင် ငါးဈေးထဲက နေထွက်ချိန် ရှုခင်းဟာ အံဩစရာကောင်းပေရဲ့

နောက်ကျခြင်း ဝတ်စုံဟာ ချုပ်ရိုးသီချိန်မရတော့ဘူး

မနက်ခင်းဆို လဘ်ရွှင်သီချင်းဆိုရတယ်

လူနဲ့ကား  . . ကားနဲ့လူ

စပိန်နွားရိုင်းသတ်ပွဲတွေလိုပေါ့

ညဥ့်ငှက်တွေက နေ့ဘက်ပါ ဈေးကွက်ချဲ့ ထွင်တယ်

သန်းကောင်ထက်နက်တဲ့ ဘဝတွေ ညတွေ ပို့ကုန်အသစ်ဖြစ်လာကြ

အသက်ပြင်းပြင်းမရှုရဲဘူး . . .

ကျွံကျသွားမှာစိုးလို့  လမ်းသွားတိုင်း ကိုယ်ဖော့ထားတယ်

တစပြင်လို နူးညံ့လွန်းလို့ ကြယ်ငါးပွင့် ဟိုတယ်ထဲ

ဂျိုလီ့ နှုတ်ခမ်းလို ထူတဲ့

ငါးကြင်းဗိုက်သားဟင်း ရမလားမေးကြည့် တယ်

စစ်ဖြစ်ပြီးစ မြို့ပျက်ကြီးလို လှလိုက်တာ လွန်ရောပဲ

အခု . . . ဘယ်နှစ်နာရီထိုးနေပြီလဲ . . .

ငါလား . . . ? ရန်ကုန်မှာနေတယ်

ရန်ကုန်လား  . . ?

ခင်ဗျားတို့ပြောသလောက်လဲ ငရဲမဆန်ဘူး

စိတ်ကူး ယဉ်ထားသလို နိဗ္ဗာန်ဘုံ တံခါးဝလဲ မဟုတ်ဘူး  . . . ။

MPM

နံနက်ခင်း၌ သင့်ရဲ့ပါးပြင်ကိုသာ နမ်းရှိုက်လိုတယ် ။

အလွမ်းတွေဝေတဲ့ဆောင်းဟာ

သတိရခြင်း ဝတ်ရုံကိုခြုံတယ်

ဒီမနက်ခင်းမှာ ငါ့ရဲ့ဆာလောင်မှုဟာ

အငွေ့တထောင်းထောင်းထ နေတဲ့  ကော်ဖီတခွက်မဟုတ်ဘူး

နင့်ပါးပြင်ပေါ်ကို ပင့်သက်နွေးနွေးတချက်

ဒီဇင်ဘာ လေပြည်ဟာ

ပန်းရနံ့တွေကို ထမ်းပိုးသယ်ဆောင်လာမယ်

ဒီမနက်ခင်းမှာ ငါသောက်ချင်တဲ့ စီးကရက်တလိပ်ဟာ

အကောင်းစားဗာဂျီးနီးယား ဆေးစပ်နဲ့မဟုတ်ဘူး

နင့်ပါးပြင်ပေါ်ကို ပင့်သက်နွေးနွေး တချက်

အိမ်တံစက်မြိတ်ပေါ်က

နှင်းစက်လေးတွေ တပေါက်ပေါက်ကျနေတာကို

ထိုင်ငေးနေမိပြန်တယ်

ဒီမနက်ခင်းမှာ ငါဖတ်ချင်နေတဲ့ သတင်းစာ နာမည်ဟာ

တိကျမြန်ဆန်တဲ့ မောနင်းတိုမ်း  မဟုတ်ဘူး

နင့်ပါးပြင်ပေါ်ကို ပင့်သက်နွေးနွေး သတင်းပို့ချက် တရပ်

ခရစ္စမတ်တေးသံဟာ

ငါ့ထံကို ငယ်ဘဝအတွေးတွေ ယူဆောင်လာတယ်

ဒီမနက်ခင်းမှာ ငါတောင့်တမိတဲ့ လက်ဆောင်ဟာ

ဆန်တာကလော့စ် ဆီက မလာဘူး

နင့်ပါးပြင်ပေါ်ကိုသာ ပင့်သက် နွေးနွေးတချက်နဲ့

မဲရီး ခရစ္စမတ်

အရိုးကွဲအောင်

ရက်စက်တဲ့ဆောင်းထဲမှာ

ငါဟာ  . . နယ်နှင်ခံရတဲ့ အထီးကျန်သူလို့ ထင်ယောင်လာတယ်

မနက်ခင်းတိုင်းမှာ ငါအေးခဲရပ်တန့်ချင်နေတာက

နင့်ပါးပြင်ပေါ်ကို ပင့်သက် နွေးနွေး အဆက်မပြတ်

ဖြစ်လေရာ နံနက်ခင်းတိုင်းမှာ
နင့်ပါးပြင် နင့်နှုတ်ခမ်းများကိုသာ
နမ်းရှိုက်နိုင်သော ကိုယ် ဖြစ်ရပါလို၏   ။

 MPM