Wednesday, February 18, 2009

ဘာပဲဖြစ်ဖြစ် ခင်ဗျားကို ချစ်နေတုန်းပဲ ရန်ကုန်


( ပုံကို ဒီနေရာကယူတယ် )

( ရန်ကုန်ဆိုတာ ကျနော်တို့ တွေရဲ့ အထင်ကရ မြို့တော်တစ်ခုဖြစ်ခဲ့တယ် ...။ ခုတော့လဲ အလုို မတူပဲ မြို့ဟောင်း တစ်ခု အဖြစ်လျှောကျသွားပါပြီ သင်္ခါရ တရားကြောင့်ပဲ ထင်ပါ့ရဲ့ ....။
သူဟာ ကျနော်တို့ ခန္ဓာကိုယ် ထဲက သွေးကြောမကြီး တစ်ချောင်းဖြစ်တယ် ....။

ကျနော်တို့ တွေဟာ သူ့ရင်ခွင်ထက်မှာ အချိန်ကာလ အတော်များများ ပျော်ပါး မြူးတူး ခဲ့ကြ ဘူးပါတယ် ...။ ခေတ် အဆက်ဆက် ကအနုပညာ သမားတွေက ရန်ကုန်ကို အကြောင်းအရာ အမျိုး မျိုး အနုပညာပုံသဏ္ဍန် အမျိုးမျိုးနဲ့ ဖွဲ့ဆို သီကုံးခဲ့ကြတယ် ... ။
ခု ဒါဟာ ကျနော်တို့အလှည့်မှာ ရင်ဘတ်ထဲက ရန်ကုန်ကို အရှင်လတ်လတ် ဆွဲထုတ်ပြလိုက်တာပါပဲ .......။ )

"ဘာပဲဖြစ်ဖြစ် ခင်ဗျားကို ချစ်နေတုန်းပဲရန်ကုန်"


အပေါစား မိတ်ကပ်တွေ လိမ်းထားတဲ့
မိန်းမပျက် တစ်ယောက်လို အပြုံးနဲ့
ခင်ဗျားဟာ ခုထိ လှနေတုန်းပဲ ရန်ကုန် ........။


ခင်ဗျား ရဲ့ ဇရာ အရေးအကြောင်းတွေကို
မသိမသာ ဖုံးထားပြီး
ကိုယ်လုံးအလှ တမင်ပေါ်အောင်

ပါတိတ်အတု တစ်စုံနဲ့
မံမီကောင် လို ကျပ်စည်းထားတဲ့
ခင်ဗျား ကို
ရင်ခုန်နေတုန်း ပဲ ရန်ကုန် ........။



မြစ်တခုမှ ရေ၂ခါ ချိုးလို့ မရပေမဲ့

ခင်ဗျား ရင်ခွင်ထဲမှာ တော့

လူးအိုင်ထဲက ကျွဲတစ်ကောင်လို

စိန်ပြေနပြေ ကို ကူးချင်နေသေးတဲ့ကောင်ပါ.......။


မြီးကောင်ပေါက် မလေး ဝက်ခြံထသလို
ခင်ဗျား မှာလဲ ကျင်းတွေချိုင့်တွေ ထလို့....
လသာတဲ့ ညတွေမှာ ပြသနာမရှိပေမဲ့
လမိုက်ညတွေဆို ...

ခင်ဗျားက အကျည်းတန်လွန်းတယ် ရန်ကုန် ......


ခင်ဗျားကို ကျပျောက်တဲ့ညတွေနဲ့
ကျုပ်ကိုယ်တိုင် ပျောက်သွားတဲ့ နေ့တွေ
တဖြေးဖြေးသာ များလာတယ်
ကျုပ်တို့ ၂ ယောက်ကြား ဘာမှ မထူးခြားဘူး မဟုတ်လား....။


တောသူလေး ဒဂုန်ဘဝက

ခုန်ထလာတဲ့ ရန်ကုန်ဟာ
၂၁ရာစု အလယ်ခေါင်မှာ
ဂလိုဘယ် ဆန်ချင်ရှာသတဲ့လေ.....


မိတ်အင် ချိုင်းနားနဲ့
ကြီးထွားနေတဲ့ ..ရန်ကုန်က
မီနီစကတ်ဝတ်ရ ...
နိုက်ကလပ် တက်ရ...
ကိုရီးယား လိုနှုတ်ဆက်ရ...
နှစ်သစ်ကူး ညစာစားပွဲတွေ ကျင်းပရနဲ့

သူ့ခမျာ မအားရရှာပါဘူး.......။


ပျိုရွယ်စဉ် လှနေတုန်းတော့
ဘောင်းဘီဝတ် မိုးတိမ်တွေ
တမိုးလုံးထိန်နေပေမဲ့
အရှိန်ကုန် ရနံပြယ်တော့လဲ
စွန့်ပယ်လိုက်ကြတာပဲ မဟုတ်လား.....ရန်ကုန်


ခုများမတော့ ရန်ကုန်ဟာ

၂၄ နာရီ မလင်းရှာတဲ့
မီးဝါဝါလေးတွေကို
ပန်းလိုပန်လို့ .....
ဒုက္ခသည် တွေမွေးဖွားရာ
မီးနေခန်းကြီးကို ဖြစ်လို့
ရှိသမျှ စုပ်ယူခံထားရလို့
ကြိတ်စက်ထဲက ထွက်လာတဲ့
ပျော့ဖတ်တစ်ခုလို
ဖြူဖတ် ၊ ဖြူလျှော် နဲ့ .....
ကူးစက်ရောဂါ သယ်ဆောင်လာသူ တစ်ယောက်လို

ခွဲခြားဆက်ဆံ ခံရရှာတယ်လေ.............။



မွဲပျာပျာ ၊ခြောက်ကပ်ကပ်နဲ့
ပေါ့ပျက်ပျက် ရန်ကုန်........................

ငွေကို ဘုရားလို
ကိုးကွယ်ထားခဲ့တဲ့ရန်ကုန်.................

အရောင်းမြှင့်တင်ရေးပွဲတွေကို
လိုက်လိုက်ငေးနေရတဲ့ရန်ကုန်..............

ရန်ကုန်မှာ ချက်တဲ့မုန့်ဟင်းခါးကို
ဧရာဝတီသားလို့ ပြောမှ
အရောင်းသွက်ရှာတဲ့ ရန်ကုန်..................

ရန်ကုန်သားတွေကို
ဘိလိယက် လို ကစားခဲ့တဲ့ ရန်ကုန်...............

အင်္ဂလန်ဘောသမားတွေကို
ပက်ပက် စက်စက် အားထားခဲ့ တဲ့ရန်ကုန်...........

သူကိုယ်သူ အပေါင်ထားပြီး
ဘဝတစ်ခုလုံး လောင်းတမ်း ကစားခဲ့ရှာတယ် .......


ဘာပဲ ဖြစ်ဖြစ် ခင်ဗျားကို
ချစ်နေတုန်းပါပဲ ရန်ကုန်......................။


ဖုန်းမြင့်




4 comments:

ATN said...

အော်...
ဒဏ်ရာတွေ တုန်တုန်ယင်ယင်နဲ့
ရန်ကုန်ရဲ့ သွေးကြောမျှင်မျှင်တွေထဲ
နောက်တခါ ခုန်ချ စီးမျောရပြန်ပြီပေါ့...

တသက်လုံး စီးမျောခွင့်ကို
တောင်းဆိုနေရတာကိုကလည်း
ချစ်ခြင်းပဲ ထင်ပါရဲ့...

ရန်ကုန်ကို ဆက်ချစ်ကြပါစို့...

အောင်သာငယ်

Mhu Darye said...

ဘာပဲဖြစ်ဖြစ် ခင်ဗျားကို ချစ်နေတုန်းပဲ ရန်ကုန်... အားကြီးကြိုက်တယ် ဒီကဗျာ..။

လင်းထက် said...

အီးးးးးးးး ငါလဲ လွမ်းနေရတဲ့ ကြားထဲ သူကလာဆွတယ်..။

လင်းဒီပ said...

ကျွန်တော်လည်း ချစ်တယ် ရန်ကုန်