ဇတ်ညွှန်း

ဘဝတွေ တန်းစီ ရေးချလိုက်ရုံနဲ့
ဇတ်ရှိန်က ဒီလောက်တက်လာမှာမဟုတ်ဘူး
ထုံးစံ အတိုင်းဆို
ဒီဘူတာမှာ ရပ်မယ်
ဒီဆိပ်ကမ်းမှာကပ်မယ်
နံရံပေါ်မှာ သေနတ်ချိတ်ထားတာပြရင်
တနေရာရာမှ ပစ်ကို ပစ်ပြရတော့မယ်
မီးဖျတ်ကနဲ ပျက်သွားမယ်
မီးပြန်လင်းလာရင်
အခန်းထဲမှာ တိတ်ဆိတ်ငြိမ်သက်နေမယ်
လူတွေက ပြီးပြီးပျောက်ပျောက်
ရူးချင်ယောင်ဆောင်ကြမယ်
ဘုရားသခင် မေ့လျှော့နေတဲ့
လမ်းမရှည်နဲ့ ညိုညစ်ညစ်ခြေထောက်တွေ
သူတို့ကိုထမ်းပိုးထားလိုက်တဲ့
ရာဘာနောက်မြီးပြတ် ဖိနပ်တွေ
အိမ်ယာထူထောင်ခွင့်လေးတောင်
မရရှာကြတဲ့ လေလွင့်ခြင်းတွေ
သံဆူးကြိုး အထပ်ထပ် ရစ်ပတ်ခံထားရတဲ့
ဝင်းပ ၊ သန့်စင်နေတဲ့ မျက်နှာတွေ
ပရီးမီးယားလိဂ်ထဲ ခေါင်းစိုက်ကျနေလို့
ဆွဲထုတ် ကယ်တင်ထားရတဲ့ မျှော်လင့်ခြင်းတွေ
စစ်အေးခေတ်လက်ကျန်
ခေါင်းညိမ့် ၊လျှာလွဲထားတဲ့ အယူအဆဟောင်းတွေ
ဘုရား တ, နေရတဲ့ အပြန်အလှန် စကားပြောသံတွေ
ဟိုဘက်ကမ်းမှာ ဘယ်လမ်းက သာမလဲ
ကိုယ့်ဘာသာကိုယ် မှန်းဆကြည့်လိုက်တော့
ဒီဇတ်ညွှန်းထဲက
မလိုတဲ့အပိုဒ်တွေကို ဖြုတ်လိုက်နိုင်ပါသည်
တကယ်တော့
ငါ့ဘဝလေး ချောက်ကမ်းပါးထဲကျဘို့ လက်၂ လုံးအလိုမှာ
ငါ့ကိုယ့် ငါက ကယ်တင်လိုက်ခြင်းသာဖြစ်တယ် .....။



မောင်ဖုန်းမြင့်
်