မြဒါလီသို့ ...တမ်းချင်းများ (၁)

မြသား မိုးကောင်းကင်အောက်မှာ
မင်းကို ချစ်တဲ့ အချစ်တွေနဲ့ လင်းတောက်ခဲ့ရပါတယ် မြဒါလီ....။


လေထဲ ခေါင်းမော့ အနံ့ခံလိုက်တော့
မွှေးရနံ မပြယ်သေးတဲ့ အမေ့ရဲ့ ရနံ့တွေ ရလိုက်တယ် ..
ပြီးတော့ ...
ကျနော့ နံရိုးမလေး ရဲ့ ရနံ့ကိုလဲရတယ် ..
အခုတော့....
လေထုက မလတ်ဆတ်
လေးလံ စွတ်စို ထိုင်းမှိုင်းလွန်းနေတော့
စပါတာကတ် ရဲ့ ရနံ့ ကို ကျနော့်ကိုယ်ပေါ်က
ပြန်ရနေတယ် .......။


ချစ်ခြင်းတရားရဲ့ ဆင်းရဲဟာ ဘယ်လောက် ငရဲဆန်တယ်ဆိုတာ
သိခဲ့ပါစ မြဒါလီ ...


နေ ၊ လ ၊ ကမ္ဘာ တတန်းထဲကျပြီး ၂၁ ရာစုရဲ့ အကြာဆုံးနေကြတ်ချိန်ရယ်လို့
လူတွေ အုတ်အော်သောင်းတင်း ဖြစ်နေကြချိန်မှာ
ငါ့အတွက် မထူးဆန်းခဲ့ပါဘူး..မြဒါလီ
ငါ့ကမ္ဘာထဲမှာ မင်းမရှိတော့ဘူးလို့ သိလိုက်ရတဲ့ အချိန်ကစ
ကြေကွဲခြင်းနှင့် ငါ တထပ်ထဲကျ
တသံသရာလုံး နေလုံးကွယ်ခဲ့ ရတာပါကွယ် ..... ။


မင်းနှင့် အတူ ရှိခဲ့ ဖူးတဲ့ နေ့ရက်တွေဟာ နွေဦးရဲ့လေပြည်မှာ
မျောပါသွားတဲ့ ...သစ်ရွက်ကြွေလေးတွေပဲပေါ့ ....
ငါကတော့ အဲ့ဒီ သစ်ရွက်ကလေးတွေ ကို မျက်တောင်မခတ်တမ်း
လိုက်ငေး နေရသူရယ်ပါ မြဒါလီ... ၊ လောကရဲ့ နိယာမ အရ
ဖြစ်လွယ် ၊ ပျက်လွယ် ဆိုတာ မှန်ပေမယ့် မေ့ပျောက် ဘို့ မလွယ်တာတော့
ခက်တယ် ...။


ဘာပဲဖြစ်ဖြစ်ပေါ့ မြဒါလီရယ်...
မင်းရင်ထဲမှာ ငါဟာ ဖျတ်ကနဲ ပြေးသွားတဲ့ နှင်းဆီရနံ့လေးတခု သို့တည်းမဟုတ်
မင်းခြေအစုံကို တိုးဝှေ့ ကျီစယ် ခဲ့ဘူးတဲ့ မင်းရဲ့ အလှမွေးကြောင်လေးတကောင်လောက်
သတိရပေးခဲ့မယ် ဆိုရင်ဖြင့် ....
လောကနဲ့ချီလာမယ့် အဆုံးရှုံးတွေကို ငါတယောက်ထဲ သိမ်းကျုံး ရင်ကော့ ခံလိုက်ပါပေရဲ့ .....။


မင်းကို ချစ်တဲ့စိတ်နဲ့ငါ့အရေပြားကို ကျက်ပြီး
တီးခတ်လိုက်တဲ့ ဗုံသံ မင်းကြားနိုင်ပါစေ ကွယ်….။


မင်းတို့အချစ်က အောင်မြင်ပါစေ..... ။
ငါ့ဘဝက ကျဆုံးပါစေ...........။



ဖုန်းမြင့်